በአዲስ አበባ አትሌቲክስ ፌድሬሽን ስር ለሚገኙ ክለቦች፤ለፕሮጄክትና ክፍለ ከተማ አትሌቲክስ አሰልጣኞች የስፖርት ድጋፍ ሰጪ ስነ-ምግቦች (Supplments) ከአበረታች ቅመሞች ወይም ዶፒንግ ጋር ያላቸው ግኑኝነት ላይ የግንዛቤ ማስጨበጫ ስልጠና ተሰጠ፡፡

አርብ ህዳር 11/2013 ዓ.ም /አዲስ አበባ ወጣቶች ስፖርት ማዕከል (ወወክማ)/ የኢትዮጵያ ብሔራዊ የፀረ-አበረታች ቅመሞች ጽ/ቤት/ETH-NADO/ የአዲስ አበባ አትሌቲክስ ፌድሬሽን ከኢትዮጵያ አትሌቲክስ ፌድሬሽን/EAF/ በጋራ በተዘጋጀ መድርክ ላይ በአዲስ አበባ አትሌቲክስ ፌድሬሽን ስር ለሚገኙ ከለቦች፤ ለፕሮጄክትና ክፍለ ከተማ አሰልጣኞች ‹‹የስፖርት ድጋፍ ሰጪ ስነ-ምግቦች (Supplments) ከአበረታች ቅመሞች ወይም ዶፒንግ ጋር ያላቸው ግኑኝነትና በተያያዥ ርዕሶች›› ላይ የግማሽ ቀን የግንዛቤ ማስጨበጫ ስልጠና ተሰጠ፡፡በስልጠናው ላይ ከ80 በላይ ተሳተፊዎች ተገኝተዋል፡፡

የግንዛቤ ማስጨበጫ ስልጠናው የተዘጋጀው በጽ/ቤቱ የትምህርት፤ስልጠናና ጥናትና ምርምር ዳይሬክቶሬት ሲሆን፤
ትምህርቱን የሰጡት ወ/ሪት ቅድስት ታደሰ የኢትዮጵያ አትሌቲክስ ፌድሬሽን ከፍተኛ የህክምና ባለሞያ ናቸው፡፡ የትምህርቱ ትኩረት የስፖርት ድጋፍ ሰጭ ምግቦች ምንነት፤ የስፖርት ድጋፍ ሰጭ ምግቦች ከዶፒንግ ጋር ስላላቸው ግኑኝነት፤ከአሰልጣኝና ከአትሌቱ ምን ይጠበቃል በሚሉ ርዕሰ-ጉዳዮች ዙሪያ ላይ ነው፡፡

ባለሞያዋ አያይዘው እንደገለጹት የስፖርት ድጋፍ ሰጭ ነጥረ-ነገሮች (Supplments) ለአበረታች ቅመሞች የህግ ጥሰት ሊያጋልጡ ይችላሉ፤ አትሌቶች ማንኛውም ድጋፍ ሰጭ ምግቦችን ከመጠቀማቸው በፊት ጥንቃቄ ማድረግ እንደሚገባ አሳስበዋል፡፡
በተጨማሪም የአትሌቲክስ አሰልጣኞች የፀረ-ዶፒንግ ፎረም መቀጣይ ተጠናክሮ በሚቀጥልበት ሁኔታ ዙሪያ ከተሳታፊዎች ጋር ወይይት ተደርጓል፡፡

የዓለም አቀፉ የፀረ-ዶፒንግ ኤጀንሲ(WADA) ከፊታችን ጥር 2021 ጀምሮ የፀረ-ዶፒንግ ህግ ጥሰት በሚፈጽሙ አካላት ላይ ተግባራዊ የሚሆን አዲስ መመሪያ ማውጣቱን <<የዶፒንግ ሕግ ጥሰት የፈፀመ አትሌት፤ አትሌቱን ጨምሮ አትሌቱ የወከለው አገርና ብሔራዊ ፌድሬሽኖችን ከማንኛዉም ኢንተርናሽናል የውድደር ተሳትፎ እንደሚያሳግድ >> ባለሞያዋ ጨምረው ገልጸዋል፡፡

Previous post ETH-NADO provide Anti-Doping Awareness Training for heads, experts of Regional and City administration representative
Next post ለፌድራል ማረሚያ ቤት አተሌቲክስ ክለብ አትሌቶችና አሰልጣኞች በአበረታች ቅመሞች ወይም ዶፒንግ ላይ የግንዛቤ ማስጨበጫ ስልጠና ተሰጠ ፡፡

Leave a Reply

Your email address will not be published.