በዓለም አቀፉ የአትሌቲክስ ማህበራት ፌዴሬሽን /IAAF/ የአትሌቶች ኢንቲግሪቲ ዩኒት /AIU/ ወይም ከውድድር ጊዜ ውጭ የአትሌቶች የዶፒንግ ምርመራ ክፍል የሥራ ኃላፊ የሆኑት ራፋኤል ሩክስ በኢትዮጵያ ብ/ፀ/አብ/ቅ/ጽ/ቤት ተገኝተው የስፖርት አበረታች ቅመሞች /ዶፒንግን ለመከላከል እየተደረገ ስላለው አጠቃላይ እንቅስቃሴ ዙሪያ ከጽ/ቤቱ ዋና ዳይሬክተር አቶ መኮንን ይደርሳል እና ከባለሙያዎች ጋር ውይይት አድርገዋል፡፡

የውይይቱ ትኩረት በኢትዮጵያ የስፖርት የፀረ-አበረታች ቅመሞች ወይም ዶፒንግ ኘሮግራም እየተደረገ ስላለው እንቅስቃሴ ዙሪያ የተመለከተ ነው፡፡

በተለይ ጽ/ቤቱ በውድድር ጊዜና ከውድድር ጊዜ ውጭ የሚያካሂደውን የዶፒንግ ምርመራ ኘሮግራም እንቅስቃሴ እና በሌሎች ተያያዥ ጉዳዮች ዙሪያ በጥልቀት ውይይት ተደርጎበታል፡፡ በመቀጠልም በምርመራ ወቅት የናሙና አሰባሰብ ሂደት ምን እንደሚመስል የመስክ ላይ ምልከታ /Obserbation/ ተደርጓል፡፡

በሌላ በኩል የETH-NADO እና IAAF እ.ኤ.አ በ2019 ለሚካሄደው የኳታር ዶሃ የዓለም አትሌቲክስ ሻምፒዮና ዝግጅት የዶፒንግ ቁጥጥር ኘሮግራምና ንፁህ ስፖርትን ለማጠናከር ከወዲሁ ተቀራርበው በጋራ ለመስራት ተስማምተዋል፡፡

በውይይቱ መጨረሻ ላይ ጽ/ቤቱ የዶፒንግ ቁጥጥር ኘሮግራም ለማካሂድ ተግዳሮቶች እንዳሉበት ተገልጿል፡፡ በተለይ ናሙናዎች መሰብሰቢያ ቁሶች /Kits/ እና የተሰበሰቡ የደም ናሙናዎች ወደ ላብራቶሪ ማጓጓዣ ትራንስፖርት እና ሌሎች የግብዓት እጥረት እንዳሉበት በውይይቱ ተመልክቷል፡፡

Previous post አትሌት አበሰኒ ዳባ ጨመዳ የተከለከለ የስፖርት አበረታች ቅመም መጠቀሟ በመረጋገጡ ለ4 (አራት) ተከታታይ ዓመታት እገዳ ተላልፎባታል፡፡
Next post በስፖርቱ ውስጥ በየደረጃው ለሚያገለግሉ ባለሞያዎች በስፖርት አበረታች ቅመሞች ወይም ዶፒንግ ዙሪያ የግንዛቤ ማስጨበጫ ስልጠና ተሰጠ፡፡

Leave a Reply

Your email address will not be published.