እግር ኳሱ ከአበረታች ቅመሞች ወይም ዶፒንግ ነፃ በሆነ መልኩ እንዲስፋፋ እና ውድድሩም ፍትኃዊነቱን ጠብቆ እንዲካሄድ ለማስቻል ከፍተኛ ትኩረት ተሰጥቶት እየተሠራ ይገኛል።
የኢትዮጵያ ፀረ-አበረታች ቅመሞች ባለስልጣን እና የኢትዮጵያ እግር ኳስ ፌዴሬሽን በቅንጅት ቀደም ሲል ጀምሮ በስፖርቱ ውስጥ አበረታች ቅመሞችን ወይም ዶፒንግን ለመከላከልና ለመቆጣጠር የተለያዩ እንቅስቃሴዎችን ሲያካሂዱ የቆዩ ሲሆን በወንዶች ፕሪሜርሊግ ላይ የሚሳተፉ ሁሉም ክለቦች ስፖርተኞች እንዲሁም ድጋፍ ሰጭ ሰራተኞች የግንዛቤ ማስጨበጫ ስልጠና የተሰጣቸው መሆኑ ይታወሳል።
ከህዳር 12/2015 ዓ.ም ጀምሮ በኢትዮጵያ የሴቶች ፕሪሜርሊግ ውድድር ላይ እየተሳተፉ ለሚገኙት ሁሉም ክለቦች ስፖርተኞች እና የድጋፍ ሰጭ ሰራተኞች ስልጠና በመሰጠት ላይ ይገኛል።
በስልጠናውም ስፖርተኞችን ጨምሮ የስፖርት ሙያተኞች፣ አሰልጣኞችና የድጋፍ ሰጭ ሰራተኞች በአበረታች ቅመሞች ወይም ዶፒንግ ዙሪያ በቂ ግንዛቤ ይጨብጣሉ ተብሎ ይጠበቃል።
